سـود الـعـيـون
06-09-2008, 03:07 PM
السلام عليكم ورحمة الله وبركاته
مساكم / صبحكم الله بالخير
http://www.fayezalsaeed.org/up-pic/uploads/56d87b7af7.jpg
{ معلومات هامه للطلاب المقبلين على الدراسه في بريطانيا }
http://www.fayezalsaeed.org/up-pic/uploads/8ae56e223a.jpg
سبب طرحي لهذا الموضوع هو مدى أهمية المعلومات إللي بتنذكر فيه للطلاب الجدد المقبلين على الدراسه في بريطانيا .. وطبعا ذكرها بيوفر عليكم الوقت والجهد .. ومعرفتكم السابقه بها أفضل من إنكم تعرفونها بعدين .. على أساس تتخذون جميع الإحتياطات مسبقاً
أتمنى من أي حد عنده زياده على الموضوع .. أو معلومه ممكن تفيد أي حد يضيفها بنفس الموضوع .. وأنا بنسخها وبضيفها للموضوع الأصلي لأن في ناس مايقرون الردود
والله يقدرنا إن نوصل لكم المطلوب والمفيد من خلال هالمعلومات إن شاء الله
.
.
بعد الترتيب والتنسيق مع الجهة المسؤوله لإبتعاث الطالب والسفاره .. في إجراءات مهمه لازم تتخذونها .. وهي كالتالي :
1- أخذ صور عن الجواز وصفحة الفيزا المرفقه مع الجواز
2- أخذ صوره لورقة القبول من الجامعه
3- تصوير صور شمسيه (بحجم صور الجواز تقريبا) <<< بتنفعكم وإنتوا في بريطانيا :vddd:
4- تسجيل جميع الأرقام المهمه الخاصه بجهة الإبتعاث .. من أرقام تلفون، فاكس، وإيميل
5- تسجيل أرقام الجامعه إللي بتدرسون فيها .. في حالة تهتوا أو ماقدرتوا توصلون لممكان المطلوب .. يكون رقمهم مسجل عندكم
6- أخذ مبلغ نقدي كاش وإبقاء البقيه في الحساب .. ولازم تتأكدون من إن البطاقه تشتغل في أي مكان بالعالم .. نفس الفيزا أو الماستر كارد عشان ماتتوهقون .. ويفضل توقعون عليها من الجهه الخلفيه للبطاقه
7- حاولوا تسوون بحث على الإنترنت بأسامي شركات تأجير المساكن وتاخذون أرقامهم .. أو لو حبيتوا أرقام السكن الطلابي .. ولاتنسون الـ Islamic society centre إللي يكون في معظم المدن تقريبا .. تكون لهم أرقام بعد .. وفايدتهم بيساعدونكم لو إحتجتوا شي وبيدلونكم على أماكن المساجد عشان الصلاه وأماكن الأكل الحلال ... إلخ
يوم السفر
أهم شي تحطونه بالشنطه إللي معاكم (بالطياره) .. ورقة القبول .. لأنهم بيطلبونها منكم خلال إتمام إجراءات الجوازات والدخول للدوله
ونفس ماقلت مسبقاً .. خذوا معاكم مبلغ كاش ومبلغ يكون بالبنك .. والكاش جزء منه خلوه على خرده خفيفه نفس الـ 5 و 10 و 20 باوند .. تنفع للقطار أو التاكسي والمطاعم
لاتنسون .. توزعون الكاش مابين البوك والشنطه والجيوب .. في حالة إنسرقتوا لاسمح الله أو ضاعت الفلوس .. يكون في مخزون إحتياطي
الوصول لمدينة الدراسه
إذا وصلتوا مابين أيام الأثنين إلى الجمعه .. لوكان فيكم حيل ومب تعبانين من السفر .. لاتضيعون دقيقه ونزلوا تعرفوا على المنطقه قبل مايتأخر الوقت وتظلم الدنيا ..
إشتروا لكم كرت جوال تعبئه Top Up .. وشركات الإتصال في بريطانيا وايد .. ومنها :
O2 , Vodafone, Orange
أهم الإجراءات
1- أول إجراء لازم تسوونه هو .. فتح حساب في البنك .. وعشان تفتحون حساب في البنك .. بتحتاجون ورقه من الجامعه .. إسألوا عن International foundation office/building إللي بالجامعه .. وإطلبوا منهم ورقه تثبت إنكم طلاب بهالجامعه ولازم تقولون لهم إسم البنك إللي تبون تفتحون فيه الحساب .. وبتحتاجون الجواز و ورقة القبول للبنك
نفس الشي عندهم بنوك وايد .. منها : HSBC, Natwest, Barclays, Lloyds Tsb وغيرهم
من خلال تجربتي الشخصيه مع بنك Natwest .. كروتهم ماتشتغل بكل مكان وبتضطرون تسحبون كاش عشان تدفعون لبعض المحلات ..
وبالنسبه لإجراءات فتح الحساب تاخذ وقت .. من إسبوعين لثلاث أسابيع .. الـ Natwest ياخذ ثلاث اسابيع .. بعد أول اسبوع يعطونكم رقم الاكاونت .. وثاني أسبوع البطاقه بس بدون الباسوورد .. وثالث أسبوع تاخذون الباسوورد << السالفه يبيلها طولة بال
ولكن بتقدرون تحطون في الحساب فلوس أو تسحبون من أول ماتستلمون رقم الحساب .. ولكن يكون التعامل شخصياً مع البنك
وإذا قدرتوا تفتحون حسابين في بنكين مختلفين بيكون أفضل
2- أثناء تواجدكم في قسم السنه التأسيسيه لأخذ ورقه للبنك .. تقدرون تقدمون طلب لبطاقة الطالب Student Card .. وهذي البطاقه يكون فيها رقم الطالب وإسمه وصورته .. وهني فايدة الصور الشمسيه إللي صورتوها .. بتحتاجونها للبطاقه
هذي البطاقه تسمح لكم بالدخول للمكتبه وإستخدام الإنترنت وإستعارة الكتب وتسهيل الإجراءات بالجامعه .. غير إنها تكون إثبات بإنكم طلاب لبعض الأماكن إللي تعمل تخفيض للطلاب .. مثل المحلات أو القطارات ..
3- Police registration .. وهو تسجيل أساميكم عند الشرطه .. في جامعات توفر كم يوم للطلاب بإن الشرطه يجون للجامعه ويسجلونكم بدل ماإنتوا تروحون للمركز عندهم .. وطبعا بيكون أسهل وأسرع لكم لو تسجلون أثناء تواجدهم بالجامعه .. وبعد بتحتاجون الصور الشمسيه
4- آخر عملية تسجيل تكون في العياده المخصصه للطلاب .. سألوا عنها في مبنى الفاونديشن وإذا كانوا يحتاجون ورقه منهم أو لا ..
السكن
بالنسبه للسكن مثل ماتعرفون في نوعين :
1- سكن طلاب
2- سكن خاص
إذا حبيتوا تسكنون بسكن الطلاب .. طبعا التعامل يكون معاهم أسهل وأسرع ولكن ممكن ماتحبون السكن الطلابي .. وفي هالحاله بتلجئون للسكن الخاص
بالنسبه للشركات إللي توفر السكن الخاص تختلف بتعاملها مع المستأجرين .. في إللي يطلبون كفيل .. وإللي يطلبون دفع مقدم 6 شهور .. وإللي مايطلبون شي أبدا غير دفع الايجار شهريا وبس .. ومعظمهم يطلبون مبلغ التأمين وهو الـ Deposit ويتراوح مابين 500 إلى 1000 باوند تقريبا .. هذا المبلغ قابل للإسترداد بعد مايتم إخلاء الشقه وعلى حسب الضرر يتم الخصم منه وإرجاع بقية المبلغ
هذي الشركات لازم تتصلون لهم قبل أو تروحون لهم لتحديد موعد عشان تشوفون الشقق وتختارون .. طبعا توقعوا وعااااادي جدا يقولون لكم إن هذا الموعد بعد إسبوع .. فإذا قدرتوا حددوا معاهم موعد وإنتوا بقطر .. قولوا لهم تبون يخصصون لكم يوم عشان تشوفون الشقق إللي متوفره جنب الجامعه أو السيتي سنتر .. وحددوا معاهم تاريخ اليوم الثاني من وصولكم عشان ماتتعطلون وتتأخر أموركم .. وبنفس الوقت شرحوا لهم وضعكم بإنكم طلاب وينزل لكم راتب شهري من السبونسر .. وهم بيحددون طريقة التأجير سواء كانت بكفيل او بدون .. او دفع مقدم
بعد إستلام السكن ورقم الحساب الخاص بالبنك
هذي أهم نقطه تسوونها
تسجلون بورقه الاسم الكامل، الجامعه، التخصص، رقم الطالب، السنه الدراسيه، رقم حساب البنك وعنوان البنك، عنوان السكن، رقم الهاتف، الإيميل
وترسلون هذي الورقه بالفاكس أو الايميل لهيئة التعليم العالي .. طبعا بيكون في الفندق اللي ساكنين فيه مركز أعمال تقدرون تتواصلون من خلاله مع الهيئه .. وإذا ماتوفر تقدرون تطلبون من أي حد بمكتب السنه التأسيسيه إرسالها للهيئه .. وهني فايدة الأرقام اللي سجلتوها مسبقاً
الضرايب
عشان يشلون عنكم دفع الضرايب .. لازم تروحون القسم المسؤول عن السنه التأسيسيه .. وتطلبون منهم ورقه لمجلس الضرايب .. طبعا هالورقه بيكون مذكور فيها معلوماتكم المهمه مع مكان السكن
تاخذونها لمجلس الضرايب مع عقد السكن إللي كان بينكم وبين الشركه المؤجره .. وإذا كان السكن مشترك وفيه أكثر من شخص .. لازم الكل يطلب هالورقه وكلكم تروحون مجلس الضرايب عشان يشيلونها عنكم
وبهالطريقه بتكونون تقريبا خالصين من جميع الاجراءات المهمه إللي لازم تسوونها
.
.
بقت شغله وحده وهي المواصلات
إذا حبيتوا تتنقلون بالباص أو بالقطارات من مدينه لأخرى .. في بطاقه إسمها الـ Rail Card .. وهذي البطاقه تقدرون تقدمون عليها طلب في محطة القطار بس لازم تودون معاكم الـ Student card مع الصور الشمسيه <<< شفتوا شلون فادتكم هالصورَ! .. ميزة هالبطاقه تخفض لكم أسعار التذاكر بشكل كبير
وشوفوا أقرب مركز للباصات عشان تعرفون مواعيد الباصات وأرقامها .. إذا كنتوا حابين تتنقلون بالباصات
في رقم بتحتاجونه وهو رقم الإستعلامات .. 118118
بعد ماتستلمون السكن الخاص .. إذا حبيتوا تركبون تلفون وإنترنت ماعليكم إلا تطلبون رقم شركة الـ BT من الإستعلامات ..كلموهم وبياخذون منكم عنوان السكن والإسم ورقم الحساب وبيحددون معاكم موعد لفتح الخط .. ولكن تأكدوا من الوقت إنكم ماتكونون بالجامعه
إذا ماحبيتوا تستمرون مع هالشركه ممكن تطلبون شركات إتصال ثانيه توفر لكم خدمة التلفون والإنترنت .. ولكن الـ BT هم اللي لازم يفتحون لكم الخط
وفي شركه إسمها SKY .. هذي توفر كيبل قنوات معظمها أجنبيه مثل قنوات الكيبل عندنا ولكن فيها الجزيره وقناة أبوظبي وبعض القنوات الإسلاميه .. وتقدرون تطلبون معاهم خط التلفون مع الإنترنت يعني باكج كامل .. بس بعد يطلبون منكم فتح الخط عن طريق الـ BT
عموما .. التعامل في بريطانيا والاجراءات تطول .. يمكن بتواجهون صعوبه في هالشي بالبدايه .. ولكن طولوا بالكم وتحلوا بالصبر .. ومع الوقت بتسهل الامور وبتتعودون بإذن الله
.
نصيحه أخيره
حاولوا تحتفظون بملف يكون فيه كل الأوراق المهمه .. للبنك والسكن والضرايب... إلخ
تراها مهمه وتفيدكم بالمستقبل لو واجهتوا مشاكل لا سمح الله
.
هذي كل المعلومات إللي عندي حاليا .. ولو تذكرت أي شي ثاني بضيفه على الموضوع إن شاء الله .. ومثل ماقلت إللي عنده أي إضافه لايتردد وبنضيفها للموضوع الأصلي
أتمنى إن الموضوع يكون مفيد لكم .. وهذا هو الهدف المرجو منه
ومانطلب منكم إلا دعوه بظهر الغيب بالتوفيق والنجاح وبتيسير الأمور
موفقين جميعاً
مساكم / صبحكم الله بالخير
http://www.fayezalsaeed.org/up-pic/uploads/56d87b7af7.jpg
{ معلومات هامه للطلاب المقبلين على الدراسه في بريطانيا }
http://www.fayezalsaeed.org/up-pic/uploads/8ae56e223a.jpg
سبب طرحي لهذا الموضوع هو مدى أهمية المعلومات إللي بتنذكر فيه للطلاب الجدد المقبلين على الدراسه في بريطانيا .. وطبعا ذكرها بيوفر عليكم الوقت والجهد .. ومعرفتكم السابقه بها أفضل من إنكم تعرفونها بعدين .. على أساس تتخذون جميع الإحتياطات مسبقاً
أتمنى من أي حد عنده زياده على الموضوع .. أو معلومه ممكن تفيد أي حد يضيفها بنفس الموضوع .. وأنا بنسخها وبضيفها للموضوع الأصلي لأن في ناس مايقرون الردود
والله يقدرنا إن نوصل لكم المطلوب والمفيد من خلال هالمعلومات إن شاء الله
.
.
بعد الترتيب والتنسيق مع الجهة المسؤوله لإبتعاث الطالب والسفاره .. في إجراءات مهمه لازم تتخذونها .. وهي كالتالي :
1- أخذ صور عن الجواز وصفحة الفيزا المرفقه مع الجواز
2- أخذ صوره لورقة القبول من الجامعه
3- تصوير صور شمسيه (بحجم صور الجواز تقريبا) <<< بتنفعكم وإنتوا في بريطانيا :vddd:
4- تسجيل جميع الأرقام المهمه الخاصه بجهة الإبتعاث .. من أرقام تلفون، فاكس، وإيميل
5- تسجيل أرقام الجامعه إللي بتدرسون فيها .. في حالة تهتوا أو ماقدرتوا توصلون لممكان المطلوب .. يكون رقمهم مسجل عندكم
6- أخذ مبلغ نقدي كاش وإبقاء البقيه في الحساب .. ولازم تتأكدون من إن البطاقه تشتغل في أي مكان بالعالم .. نفس الفيزا أو الماستر كارد عشان ماتتوهقون .. ويفضل توقعون عليها من الجهه الخلفيه للبطاقه
7- حاولوا تسوون بحث على الإنترنت بأسامي شركات تأجير المساكن وتاخذون أرقامهم .. أو لو حبيتوا أرقام السكن الطلابي .. ولاتنسون الـ Islamic society centre إللي يكون في معظم المدن تقريبا .. تكون لهم أرقام بعد .. وفايدتهم بيساعدونكم لو إحتجتوا شي وبيدلونكم على أماكن المساجد عشان الصلاه وأماكن الأكل الحلال ... إلخ
يوم السفر
أهم شي تحطونه بالشنطه إللي معاكم (بالطياره) .. ورقة القبول .. لأنهم بيطلبونها منكم خلال إتمام إجراءات الجوازات والدخول للدوله
ونفس ماقلت مسبقاً .. خذوا معاكم مبلغ كاش ومبلغ يكون بالبنك .. والكاش جزء منه خلوه على خرده خفيفه نفس الـ 5 و 10 و 20 باوند .. تنفع للقطار أو التاكسي والمطاعم
لاتنسون .. توزعون الكاش مابين البوك والشنطه والجيوب .. في حالة إنسرقتوا لاسمح الله أو ضاعت الفلوس .. يكون في مخزون إحتياطي
الوصول لمدينة الدراسه
إذا وصلتوا مابين أيام الأثنين إلى الجمعه .. لوكان فيكم حيل ومب تعبانين من السفر .. لاتضيعون دقيقه ونزلوا تعرفوا على المنطقه قبل مايتأخر الوقت وتظلم الدنيا ..
إشتروا لكم كرت جوال تعبئه Top Up .. وشركات الإتصال في بريطانيا وايد .. ومنها :
O2 , Vodafone, Orange
أهم الإجراءات
1- أول إجراء لازم تسوونه هو .. فتح حساب في البنك .. وعشان تفتحون حساب في البنك .. بتحتاجون ورقه من الجامعه .. إسألوا عن International foundation office/building إللي بالجامعه .. وإطلبوا منهم ورقه تثبت إنكم طلاب بهالجامعه ولازم تقولون لهم إسم البنك إللي تبون تفتحون فيه الحساب .. وبتحتاجون الجواز و ورقة القبول للبنك
نفس الشي عندهم بنوك وايد .. منها : HSBC, Natwest, Barclays, Lloyds Tsb وغيرهم
من خلال تجربتي الشخصيه مع بنك Natwest .. كروتهم ماتشتغل بكل مكان وبتضطرون تسحبون كاش عشان تدفعون لبعض المحلات ..
وبالنسبه لإجراءات فتح الحساب تاخذ وقت .. من إسبوعين لثلاث أسابيع .. الـ Natwest ياخذ ثلاث اسابيع .. بعد أول اسبوع يعطونكم رقم الاكاونت .. وثاني أسبوع البطاقه بس بدون الباسوورد .. وثالث أسبوع تاخذون الباسوورد << السالفه يبيلها طولة بال
ولكن بتقدرون تحطون في الحساب فلوس أو تسحبون من أول ماتستلمون رقم الحساب .. ولكن يكون التعامل شخصياً مع البنك
وإذا قدرتوا تفتحون حسابين في بنكين مختلفين بيكون أفضل
2- أثناء تواجدكم في قسم السنه التأسيسيه لأخذ ورقه للبنك .. تقدرون تقدمون طلب لبطاقة الطالب Student Card .. وهذي البطاقه يكون فيها رقم الطالب وإسمه وصورته .. وهني فايدة الصور الشمسيه إللي صورتوها .. بتحتاجونها للبطاقه
هذي البطاقه تسمح لكم بالدخول للمكتبه وإستخدام الإنترنت وإستعارة الكتب وتسهيل الإجراءات بالجامعه .. غير إنها تكون إثبات بإنكم طلاب لبعض الأماكن إللي تعمل تخفيض للطلاب .. مثل المحلات أو القطارات ..
3- Police registration .. وهو تسجيل أساميكم عند الشرطه .. في جامعات توفر كم يوم للطلاب بإن الشرطه يجون للجامعه ويسجلونكم بدل ماإنتوا تروحون للمركز عندهم .. وطبعا بيكون أسهل وأسرع لكم لو تسجلون أثناء تواجدهم بالجامعه .. وبعد بتحتاجون الصور الشمسيه
4- آخر عملية تسجيل تكون في العياده المخصصه للطلاب .. سألوا عنها في مبنى الفاونديشن وإذا كانوا يحتاجون ورقه منهم أو لا ..
السكن
بالنسبه للسكن مثل ماتعرفون في نوعين :
1- سكن طلاب
2- سكن خاص
إذا حبيتوا تسكنون بسكن الطلاب .. طبعا التعامل يكون معاهم أسهل وأسرع ولكن ممكن ماتحبون السكن الطلابي .. وفي هالحاله بتلجئون للسكن الخاص
بالنسبه للشركات إللي توفر السكن الخاص تختلف بتعاملها مع المستأجرين .. في إللي يطلبون كفيل .. وإللي يطلبون دفع مقدم 6 شهور .. وإللي مايطلبون شي أبدا غير دفع الايجار شهريا وبس .. ومعظمهم يطلبون مبلغ التأمين وهو الـ Deposit ويتراوح مابين 500 إلى 1000 باوند تقريبا .. هذا المبلغ قابل للإسترداد بعد مايتم إخلاء الشقه وعلى حسب الضرر يتم الخصم منه وإرجاع بقية المبلغ
هذي الشركات لازم تتصلون لهم قبل أو تروحون لهم لتحديد موعد عشان تشوفون الشقق وتختارون .. طبعا توقعوا وعااااادي جدا يقولون لكم إن هذا الموعد بعد إسبوع .. فإذا قدرتوا حددوا معاهم موعد وإنتوا بقطر .. قولوا لهم تبون يخصصون لكم يوم عشان تشوفون الشقق إللي متوفره جنب الجامعه أو السيتي سنتر .. وحددوا معاهم تاريخ اليوم الثاني من وصولكم عشان ماتتعطلون وتتأخر أموركم .. وبنفس الوقت شرحوا لهم وضعكم بإنكم طلاب وينزل لكم راتب شهري من السبونسر .. وهم بيحددون طريقة التأجير سواء كانت بكفيل او بدون .. او دفع مقدم
بعد إستلام السكن ورقم الحساب الخاص بالبنك
هذي أهم نقطه تسوونها
تسجلون بورقه الاسم الكامل، الجامعه، التخصص، رقم الطالب، السنه الدراسيه، رقم حساب البنك وعنوان البنك، عنوان السكن، رقم الهاتف، الإيميل
وترسلون هذي الورقه بالفاكس أو الايميل لهيئة التعليم العالي .. طبعا بيكون في الفندق اللي ساكنين فيه مركز أعمال تقدرون تتواصلون من خلاله مع الهيئه .. وإذا ماتوفر تقدرون تطلبون من أي حد بمكتب السنه التأسيسيه إرسالها للهيئه .. وهني فايدة الأرقام اللي سجلتوها مسبقاً
الضرايب
عشان يشلون عنكم دفع الضرايب .. لازم تروحون القسم المسؤول عن السنه التأسيسيه .. وتطلبون منهم ورقه لمجلس الضرايب .. طبعا هالورقه بيكون مذكور فيها معلوماتكم المهمه مع مكان السكن
تاخذونها لمجلس الضرايب مع عقد السكن إللي كان بينكم وبين الشركه المؤجره .. وإذا كان السكن مشترك وفيه أكثر من شخص .. لازم الكل يطلب هالورقه وكلكم تروحون مجلس الضرايب عشان يشيلونها عنكم
وبهالطريقه بتكونون تقريبا خالصين من جميع الاجراءات المهمه إللي لازم تسوونها
.
.
بقت شغله وحده وهي المواصلات
إذا حبيتوا تتنقلون بالباص أو بالقطارات من مدينه لأخرى .. في بطاقه إسمها الـ Rail Card .. وهذي البطاقه تقدرون تقدمون عليها طلب في محطة القطار بس لازم تودون معاكم الـ Student card مع الصور الشمسيه <<< شفتوا شلون فادتكم هالصورَ! .. ميزة هالبطاقه تخفض لكم أسعار التذاكر بشكل كبير
وشوفوا أقرب مركز للباصات عشان تعرفون مواعيد الباصات وأرقامها .. إذا كنتوا حابين تتنقلون بالباصات
في رقم بتحتاجونه وهو رقم الإستعلامات .. 118118
بعد ماتستلمون السكن الخاص .. إذا حبيتوا تركبون تلفون وإنترنت ماعليكم إلا تطلبون رقم شركة الـ BT من الإستعلامات ..كلموهم وبياخذون منكم عنوان السكن والإسم ورقم الحساب وبيحددون معاكم موعد لفتح الخط .. ولكن تأكدوا من الوقت إنكم ماتكونون بالجامعه
إذا ماحبيتوا تستمرون مع هالشركه ممكن تطلبون شركات إتصال ثانيه توفر لكم خدمة التلفون والإنترنت .. ولكن الـ BT هم اللي لازم يفتحون لكم الخط
وفي شركه إسمها SKY .. هذي توفر كيبل قنوات معظمها أجنبيه مثل قنوات الكيبل عندنا ولكن فيها الجزيره وقناة أبوظبي وبعض القنوات الإسلاميه .. وتقدرون تطلبون معاهم خط التلفون مع الإنترنت يعني باكج كامل .. بس بعد يطلبون منكم فتح الخط عن طريق الـ BT
عموما .. التعامل في بريطانيا والاجراءات تطول .. يمكن بتواجهون صعوبه في هالشي بالبدايه .. ولكن طولوا بالكم وتحلوا بالصبر .. ومع الوقت بتسهل الامور وبتتعودون بإذن الله
.
نصيحه أخيره
حاولوا تحتفظون بملف يكون فيه كل الأوراق المهمه .. للبنك والسكن والضرايب... إلخ
تراها مهمه وتفيدكم بالمستقبل لو واجهتوا مشاكل لا سمح الله
.
هذي كل المعلومات إللي عندي حاليا .. ولو تذكرت أي شي ثاني بضيفه على الموضوع إن شاء الله .. ومثل ماقلت إللي عنده أي إضافه لايتردد وبنضيفها للموضوع الأصلي
أتمنى إن الموضوع يكون مفيد لكم .. وهذا هو الهدف المرجو منه
ومانطلب منكم إلا دعوه بظهر الغيب بالتوفيق والنجاح وبتيسير الأمور
موفقين جميعاً